Edit
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Abafana ba Liverpool ntibashaka ko Sadio Mane agenda.

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

Ibihumbi by’abafana ba Liverpool bakoze akarasisi basaba ko rutahizamu w’umunya-Senegal ukinira iyi kipe, Sadio Mane akwiye kuganirizwa agahabwa buri kimwe asaba kugira ngo atagenda kuko babona agifite byinshi byo gufasha iyi kipe y’ubukombe i Burayi.

Nyuma yo gutsindirwa na Real Madrid ku mukino wa nyuma wa Champions League ikayitwara igikombe, ndetse bigahumira ku mirari ikanabura igikombe cya shampiyona irushijwe na Manchester City inota rimwe, abafana b’iyi kipe bayishimiye ibyo yagezeho ariko banasaba ubuyobozi kuvugana byihuse na Sadio Mane kugira ngo atava Anfield.

Uyu mwaka Liverpool yari ifite amahirwe yo kwegukana ibikombe 4, gusa warangiye yegukanye bibiri gusa birimo FA Cup na Carabao Cup, ibura Champions League na Premier League ku munota wa nyuma.

Ibi ariko ntibyabujije abafana b’iyi kipe kuyishimira kubyo yagezeho muri uyu mwaka w’imikino wa 2021-2022 aho ibihumbi by’abafana bakoze akarasisi bazenguruka ibice bitandukanye bigize umujyi wa Liverpool.

Aba bafana kandi baroi bagamije gusaba ubuyobozi bwa Liverpool kuganiriza byihuse rutahizamu Sadio Mane, ahabwe buri kimwe cyose asaba kugira ngo akomeze gukinira iyi kipe ntiyerekeze ahandi.

Aba bafana babigaragaje bifashijije ibyapa biriho ifoto y’uyu mukinnyi handitseho amagambo agira ati”Mane don’t go” mu Kinyarwanda bishatse kuvuga ngo “Mane ntugende”.

Aba bafana barasaba ubuyobozi bwa Liverpool kuganiriza byihuse Sadio Mane nyuma yuko hari amakuru yavuzwe ko yaba yitegura gusezera kuri iyi kipe akerekeza mu Budage mu ikipe ya Bayern Munich, ndetse na FC Barcelona ikaba imucungiye hafi.

Sadio Mane uri ku musozo w’amasezerano ye muri Liverpool yageze Anfield mu 2016 avuye muri Southampton, mu myaka 6 ayimazemo amaze kuyikinira imikino 269 akaba yarayitsindiye ibitego 120.

Mane yafashije Liverpool kwegukana ibikombe 6 bitandukanye birimo Premier League yari imaze imyaka 30 yirukaho, na UEFA Champions League yegukanye mu 2018-19.

Abafana ba Liverpool ntibashaka ko Sadio Mane agenda

Sadio Mane wari inkingi ya mwamba muri Liverpool ashobora kwerekeza muri Bayern Munich

About Post Author

Related Posts