Edit
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Abaturage batega imodoka bava I Kigali berekeza mu Ntara barajya kuzitegera I Nyamirambo.

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram
Ubuyobozi bw’Umujyi wa Kigali bufatanyije n’inzego zirimo Polisi y’Igihugu ari nayo ishinzwe umutekano wo mu muhanda, bwafashe icyemezo cy’uko abaturage batega imodoka bava I Kigali berekeza mu Ntara barajya kuzitegera I Nyamirambo.

Ni icyemezo cyafashwe nyuma y’uko bigaragaye ko muri Gare ya Nyabugogo hari abantu benshi, ibintu byakomeje kuba ingorabahizi mu bijyanye no kubahiriza amabwiriza yo gukumira ikwirakwira ry’icyorezo cya COVID19.

Kuva mu ntangiro z’iki cyumweru by’umwihariko ku wa Gatatu tariki 23 Ukuboza 2020, abantu benshi bakomeje gutega imodoka bava mu Mujyi wa Kigali bajya kwifatanya n’abo mu miryango yabo gusoza iminsi mikuru irimo Noheli iteganyijwe ku munsi w’ejo ndetse n’Ubunani buzaba mu cyumweru gitaha.

Ubwinshi bw’abantu bwagaragaye muri Gare ya Nyabugogo ku wa Gatatu ndetse no mu gitondo cyo kuri uyu wa Kane ni bimwe mu byatumye ubuyobozi bw’Umujyi wa Kigali bushyiraho ingamba zo kugabanya umuvundo ushobora guha icyuho ubwandu bwa Coronavirus.

Muri urwego rwego ubuyobozi bw’Umujyi wa Kigali bwahise bwimurira imodoka zitwara abantu mu Ntara kuri stade ya Kigali iri i Nyamirambo.

Mu itangazo Umujyi wa Kigali washyize kuri Twitter wavuze ko abarebwa n’iki cyemezo ari abajya mu Ntara y’Amajyepfo n’iy’Iburengerazuba mu Turere twa Rusizi, Karongi, Nyamasheke na Ngororero.

Rigira riti “Mu kugabanya ubucucike i Nyabugogo ahategerwa imodoka, aberekeza mu Majypefo bose n’aberekeza mu gice cy’Iburengerazuba mu Turere twa Rusizi, Karongi, Nyamasheke na Ngororero barimo kujya gufatira imodoka i Nyamirambo kuri stade, abasigaye bose barakomeza gutegera Nyabugogo.”

Ubu ukeneye gutega imodoka ijya mu Ntara ari kuyifatira i Nyamirambo muri Nyarugenge.
Related Posts