Ku munsi wa mbere wa shampiyona ya Afurika y’amagare iri kubera i Cairo mu Misiri, yatangiye hakinwa icyiciro cyo gusiganwa harebwa igihe amakipe yakoresheje.

Abasore b’u Rwanda nabo begukanye umwanya wa kabiri

Mu cyiciro cy’ingimbi (abagabo batarengeje imyaka 18) bakoze intera ya Kilometero 28, u Rwanda rwari ruhagarariwe na Iradukunda Valens, Niyonkuru Samuel, Mugabo Hussein na Tuyizere Etienne, rwasoje ku mwanya wa kabiri inyuma ya Algeria.

Ikipe y’abakobwa yegukanye umwanya wa kabiri

Mu cyiciro cy’abagore, u Rwanda rugizwe na Ingabire Diane, Mukashema Josiane, Nzayisenga Valentine na Tuyishimire Jacqueline, rwaje ku mwanya wa kabiri rukirikiye Afurika y’Epfo yegukanye umudari wa zahabu.

Abagabo mbere yo guhaguruka

Mu bagabo, u Rwanda ruhagarariwe na Areruya Joseph, Habimana Jean Eric (wasimbuye Mugisha Samuel kubera uburwayi), Mugisha Moïse na Nsengimana Jean Bosco, naho baje kwegukana umwanya wa kabiri.