Edit
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Andrea Pirlo wari umaze umwaka atoza Juventus yirukanywe.

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

Ubuyobozi bw’ikipe ya Juventus bwamaze kwirukana umutoza utaratanze umusaruro bifuzaga, Andrea Pirlo nyuma y’umwaka wari ushize ahawe ako kazi.

 

Pirlo wagowe n’umwaka w’imikino kugeza n’aho yari abuze amahirwe yo kwinjira mu makipe 4 ya mbere,ashobora gusimburwa na Massimiliano Allegri wari umaze igihe kinini mu bushomeri.

Pirlo w’imyaka 42 usanzwe ari umunyabigwi mu mupira w’amaguru mu Butaliyani,yahawe akazi mu mpeshyi y’umwaka ushize asimbuye Maurizio Sarri ariko ntiyahiriwe kuko yatwaye igikombe cya Coppa Italia na Supercoppa Italiana gusa.

Juventus yasezerewe muri 1/16 cya UEFA Champions League na Porto bituma ikomeza gutegereza cyane kongera kubona iki gikombe iheruka 1996.

Ku bwa Pirlo,Juventus yatakaje amahirwe yo kwegukana Serie A ku nshuro ya 10 yikurikiranya cyane ko yari imaze imyaka 9 iyoboje inkoni y’icyuma amakipe yo mu Butaliyani.

Juventus yabonye amahirwe yo gukina imikino ya Champions League 2021-22 ku munsi wa nyuma wa serie A cyane ko byasabye ko Napoli itakaza amanota kugira ngo ize mu makipe 4 ya mbere.

Mu butumwa Juventus yashyize hanze kuri uyu wa Gatanu yanditse iti “Warakoze Andrea.Aya niyo magambo twifuza kuvuga ku musozo w’imikoranire myiza twagiranye.

Mu mezi make ashize, Andrea Pirlo,umunyabigwi mu mupira w’amaguru yinjiye mu mwuga wo gutoza.Gukora ibi,bisaba umurava,ndetse no kwimenya umuntu ku giti cye,cyane iyo bigeze mu bihe bigoye inshuro ibihumbi….”

Juventus yashimiye Pirlo ku ntsinzi yayigejeje yaba biriya bikombe 2 yatwaye no gutsindira ku bibuga nka San Siro na Camp Nou.

Juventus yasoje igira iti “….Ishimwe ryacu rigere ku mwarimu,umutoza Andrea,Ibi bivuye ku ndiba y’umutima.Tumwifurije amahirwe masa ahazaza hazaba heza nta gushidikanya.”

Allegri niwe uhabwa amahirwe menshi yo gusimbura Pirlo nubwo hari abandi bavugwa nka Zinedine Zidane uherutse gusezera muri Real Madrid.

Related Posts