Edit
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Bruce Melodie na Kenny Sol mu ndirimbo ‘Ikinyafu’ bavuga ko umwaka wa 2020 nawo ukwiye ‘Ikinyafu’.

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram
Umuhanzi umaze kumenya iby’abakunzi b’umuziki by’umwihariko urubyiruko rwo mu Rwanda rukunda, Itahiwacu Bruce yashyize hanze indirimbo yise ‘Ikinyafu’ yanditswe yakoranye na Kenny Sol ari nawe wayanditse, bavuga ko umwaka wa 2020 nawo ukwiye ‘Ikinyafu’.

Bruce Melodie ufite ubuhanga butagishidikanywaho yahuriye muri iyi ndirimbo na Kenny Sol uri mu babarizwa mu Igitangaza Music Label.

Iyi ndirimbo yagiye hanze kuri uyu wa 25 Ukuboza 2020, yari imaze iminsi itegerejwe na benshi dore ko Bruce Melodie aherutse guteguza abamukirikira ko azayishyira hanze akababwira ko uyu mwaka wa 2020 ukwiye ‘Ikinyafu’.

Aba bahanzi mu ndirimbo ‘Ikinyafu’ bavuga ku mukobwa udasanzwe ukoresha amayeri ashoboka kugira ngo yereke umuhungu ko ashaka ubushuti bwisumbuyeho.

Ndetse aba bahanzi bombi bavuga ko uyu mukobwa umeze nk’ibandi ahora mu buzima bw’iraha yizihiza amasabukuru adashira, ahinduranya abakunzi n’ibindi.

reba Hano Ikinyafu

Hari nk’aho uyu muhanzi aririmba agira ati “Uwamenya yampunga. Uwamenya yajya aca kure. Umuzigo wanjye uvuza ubuha.” Yunganirwa na Kenny Sol uvuga ko “Ndi gu facing ikibazo. Akana kabi kasheze kandi ni fo…Kandi abanzi neza bazi ko ndi sans defaux.”

Muri iyi ndirimbo, gitari solo yumvikanamo yacuranzwe na Arsene n’aho ‘mix&mastering’ yakozwe na Bob Pro. Ni mu gihe amajwi yakozwe na Element Eleeeh muri Country Records n’aho amashusho yakozwe na Meddy Saleh.

2020 nayo ikwiye ‘Ikinyafu’

Umuhanzi Bruce Melodie uri mu bakunzwe kandi ukoresha imbaraga nyinshi cyane nibura mu myaka itatu ishize, avuga ko uyu mwaka wa 2020 wamubereye mubi nk’abandi bose ku buryo yumva ukwiye ‘Ikinyafu’.

Umujyanama we, Kabanda Jean de Dieu avuga ko nibura mu myaka yashize kuva muri Gicurasi kugeza mu Ukuboza, babaga bamaze gukora ibitaramo byinshi bibarirwa nko muri 40.

Mu kiganiro na UKWEZI yavuze ko “Njyewe ndakubwira ko nko kuva mu kwa Gatanu kugeza mu kwa Cumi n’Abiri ubundi twabaga tumaze gukora ibitaramo nka 40 ariko ubu nta na kimwe twigeze dukora.”

Kabanda avuga ko uyu mwaka icyo bakoze ari ugushora amafaranga gusa ariko bo batinjiza kuko ubusanzwe abahanzi binjiriza mu bitaramo baba bakoze n’ibyo batumirwamo.

Ati “Ni nk’abanyarwanda bose , twese watubereye ibibazo, nta bitaramo twabonye, mbese ntabwo twigeze dukora.Nubwo twarwanye tukareba uburyo dukora cyane ariko twarasoye ariko ntitwinjiza

Mu mwaka wa 2020, umuhanzi Bruce Melodie yakoze indirimbo zagiye zikundwa ku rwego rwo hejuru zirimo ‘Hands Up’, Saa Moya, Abu Dhabi ndetse n’iyi ‘Ikinyafu’ yitezweho gukundwa nk’uko bigaragazwa n’uburyo abantu bayakiriye.

Related Posts