Edit
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Burya gukunda kwa Muganga nabyo ni indwara Menya byinshi..

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

Ushobora kuba ujya ugira akabazo gato, wenda nko kuribwa umutwe, ugahita utangira gutekereza ko ishobora kuba kanseri cyangwa ikindi kibazo gikomeye. Ikibazo cyose kikubayeho kijyanye n’umubiri ugahita wumva ibintu byacitse ukwiye kwihutira kwa muganga. Ibi nabyo ubwabyo ni indwara

Ushobora kuba uzi umuntu ukunda kwa muganga cyane, agakomye kose akumva byacitse, yakumva aho ababara gato agatangira gutekereza indwara zikomeye. Iyi burya ni indwara, izwi nka hypochondria disease. Iyi ndwara ishobora kuba ikibazo gikomeye yaba kuyirwaye cyangwa se abahafi bamwegereye.

N’ubwo ari ibisanzwe kuba wahangayika igihe ufite ikibazo mu mubiri, gusa igihe uhangayika bidasanzwe, ku buryo bihungabanya ubuzima bwawe cyangwa se abahafi yawe, biba ari ikibazo gikomeye.

Indwara ya ‘Hypochondria’ irangwa n’iki?

Iyi ni indwara ibarizwa mu cyiciro cy’indwara zibasira imitekerereze aho usanga uyirwaye yibwira ko afite uburwayi kabone nubwo nta bimenyetso yaba agaragaza cyangwa se agaragaza duke.

Iyi ndwara yo gukunda kwa muganga ‘hypochondria’ irangwa no guhangayika bidasanzwe n’ubwoba bukomeye bwo kurwara. Akenshi ikunze kuzanwa no guhangayika bidasanzwe (stress), abantu bakunze gufata imiti kenshi, cyangwa se abafite ibindi bibazo mu mitekerereze.

Urwaye hypochondria yakora iki?

Icya mbere ni ukubasha kumenya no kwakira ko ufite iki kibazo. Ibi bizagufasha kuba wabiganira n’abo wizeye (inshuti cyangwa umuryango). Ibi kandi bishobora kugufasha kumva ko ikibazo cyawe kidakomeye; bityo ukazajya ubasha kwihangana no kumva ko ibibazo byose biba bidakomeye nk’uko ubifata.

Ibyo ushobora gufasha ufite ubu burwayi;

Niba ari inshuti cyangwa uwo mu muryango wawe, uziho iki kibazo, ushobora kumufasha mu buryo bukurikira:

1.Gerageza kumushyigikira: Mwereke ko nta gikuba cyacitse, kandi umwereke uburyo uburwayi ari ibisanzwe. Ni ngombwa kumwereka ko muri kumwe, kandi umwumva, ariko ukirinda gushyigikira ibitekerezo bye cyane.

2.Gerageza kumuca ku bwoba bwinshi, guhora ashakisha ibitagenda neza, no gushakisha uburwayi ahatandukanye kuri internet (google).

Ushobora no kumurinda, guhora ashakisha aho ajya kwivuza. Igihe atangiye kugaragaza utubazo; nko kuribwa umutwe, ukamushishikariza kunywa amazi, niba ari umugongo mukaba mwakorana urugendo ku buryo ikibazo cyoroha, n’ibindi.

Mu gusoza, n’ubwo uburwayi hafi ya bwose bubanza kugaragaza ibimenyetso, ariko burya umubiri ni uruganda rukomeye, ubwarwo rugerageza kurwanya indwara nyinshi; bityo igihe cyose wumva utameze neza hari igihe uruhuka ukabona urakize.

Icyitonderwa: Igihe cyose ubonye ikimenyetso cy’uburwayi, kikamara igihe ni ngombwa kwihutira kugana kwa muganga.

www.healthline.com

Related Posts