Edit
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Ibintu bitatu washyira imbere ubuzima bwawe bugahinduka

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

Mu buzima buri wese yifuza kuramba, kwishimira ubuzima ndetse akumva yahorana umunezero, ariko kubigeraho ni ukubikorera. By’amahire, hari ibitekerezo byinshi byagiye bitangwa byerekana ibintu wakora kugira ngo ubashe kugira ubuzima bwiza wishimira.

Abahanga mu by’ubuzima bavuga ko uko umuntu abayeho ari byo bitanga ishusho y’ubuzima bwe, bityo ko iyo ashyize imbere ibintu bibi n’ubuzima bumubihira ariko yaha umwanya ibyiza akagira ibyishimo ndetse n’iminsi ye yo kubaho ikicuma.

Guhura n’inshuti zawe amaso ku maso byongera iminsi yo kubaho

Mu bushakashatsi bwakozwe n’umuhanga mu by’ubuzima bwo mu mutwe, Susan Pinker, ku ngaruka imibanire y’abantu igira mu gutuma umuntu abaho neza ndetse akagaragara nk’umunyembaraga, avuga ko ba bantu bakunda guhura imbona nkubone bidatuma bagira ubuzima bwiza gusa, ahubwo ngo banabaho igihe kirekire.

Pinker akomeza avuga bitewe n’uko abagore bakunda guhora bari kumwe n’inshuti zabo, bituma baramba imyaka itandatu gusumbya abagabo.

Kwicira umuntu akajisho no kuramukanya n’ibiganza nabyo ngo bituma umuntu aruhukaho gato mu mutwe bikamutera n’ibyishimo. Ku bantu bavuga ko ntawe bafite wo kuvugana na bo, Susan Pinker abagira inama yo kubaka ubucuti mu bice batuyemo n’aho bakora akazi kabo ka buri munsi.

Kumenya igihe cyo gufunga telefoni yawe bituma ugira ubuzima bwiza

Adam Alter, umwarimu mu bijyanye n’ubuzima bwo mu mutwe, yakoze ubushakashatsi ku ngaruka umuntu ahura na zo mu buzima bwe igihe akunda gutinda kuri telefone cyane. Ngo ni gake cyane abantu bakunda kumara igihe kinini ku mbuga nkoranyambaga bashobora kwishima. Alter yemeza ko mu 2007 ikoranabuhanga ryari ryarafashe igice kinini cy’umunsi ariko muri iki gihe ngo ryenda gufata umunsi wose.

Akomeza avuga ko abakurikiza amabwiriza arimo kudakoresha telefone igihe cyo gufata amafunguro cyangwa gukuraho SIM card ndetse ukirinda kujya kuri internet, bituma urushaho kwishimira ubuzima ndetse ukanabona umwanya uhagije wo kuganira n’abo muri kumwe.

Kubura ubusobanuro bw’ikintu burya na byo ni ikibazo

Umwanditse w’ibitabo, Emily Esfahani Smith, avuga ko igihe umuntu yibaza ku byishimo bye bituma agira ibyiyumviro bimutakariza icyizere ndetse akaniheba bikabije. Burya ngo igitera umuntu kubabara si ukubura ibyishimo ahubwo ni ukubura ibisobanuro by’ibintu arimo.

The Independent dukesha iyi nkuru ivuga ko Smith wanditse igitabo ‘ The Power of Meaning’ nyuma yo kumara imyaka itanu aganira n’ibihumbi by’abantu batandukanye, yabonye ko igisobanuro gishobora kugabanywamo uduce tune: kugira aho ubarizwa, intego, kwigenga ndetse no kubara inkuru; kandi ko kubura igisobanuro cy’ibyo ukora cyangwa ubamo ari ikibazo ku buzima bw’umuntu buri wese akwiye kurwanya.Abahanga mu by’ubuzima bemeza ko kumara igihe kinini ku mbuga nkoranyambaga bigabanya ibyishimo by’umuntu.

Related Posts