Edit
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Musanze: Babangamiwe n’uducurama tuva mu buvumo tukabasanga mu nzu zabo

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

Abaturage bo mu Mujyi wa Musanze ahitwa muri Susa, baravuga ko bahangayikishijwe n’uducurama duturuka mu buvumo buri hafi aho bukabatera mu ngo zabo

Aba baturage bari gutaka umutekano muke batezwa n’utu ducurama twirirwa mu buvumo hagoroba tukigabiza imihana tukababuza amahwemo,babwiye TV1 ko bahangayikishijwe n’ubuzima bwabo kuko bamaze kumenya ko ari tumwe mu dutera indwara z’ibyorezo.

Umwe ati “Ubu bucurama twabuze aho twabuhungira saa kumi n’imwe n’igice nibwo busohoka natwe tugakinga tukaryama kuko iyo ukinguye kagusanga mu nzu.”

Undi ati “ Ujya kubona ukabona uducurama turinjiye ubwo nkakirana natwo nkazimya amatara kugira ngo ndebe ko busohoka bukanga noneho tumwe tukankwepa tukinjira hejuru mu gisenge, byagera nijoro ndyamye bugatangira gucuranga, bugakubita amabati nkagira ngo ni ibirogano .”

Abahanga mu by’ubuvuzi bemeza ko agacurama ari bumwe mu dusimba tudatanga umutuzo mu guturana n’abantu kuko turi mu bisimba bikwirakwiza indwara z’ibyorozo

Umuyobozi w’Ibitaro bya Musanze, Dr Muhire Philbert yagize ati “ Hari indwara butera inyinshi zirimo iz’ubuhumekero, zirimo nk’izi za Covid, za Ebola n’ibindi. Hari igihe ubucurama buba buzifite.”

Yongeyeho ko bigoye ko umuturage yabwirinda mu gihe aturiye hafi yabwo cyane.

Aba baturage banavuga ko bahangayikishijwe n’uko uturindantoki n’udupfukamunwa bari bahawe n’Urwego rw’Igihugu rushinzwe Iterambere (RDB) bakoresha igihe bashaka kudufata badukura mu nzu zabo byabashiranye.

Mu minsi ishize ubuyobozi bw’Akarere ka Musanze bwari bwatangaje ko buri kwiga kuri iki kibazo ariko nta kirakorwa.

nzobere zagaragaje ko uducurama iyo tuba hafi y’abantu dushobora kubatera indwara

Related Posts