Edit
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Rayon sports yamuritse imyambaro n’ibikoresho bishya izakoresha muri shampiyona

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

Kuri uyu wa Gatanu tariki ya 23 Mata 2021, ikipe ya Rayon Sports yerekanye imyambaro n’ibikoresho izakoresha muri uyu mwaka w’imikino uzatangira tariki ya 1 Gicurasi 2021 yahawe n’umufatanyabikorwa wayo bamaranye imyaka 6 bakorana.

Uyu muhango wabereye ku ruganda rwa Skol mu Nzove, witabiriwe n’abanyamakuru batandukanye basobanuriwe ibikoresho bitandukanye byaguriwe ikipe birimo imyenda ikozwe mu buryo bugezweho yaba iy’ikipe y’abakuru n’iy’abato, imipira ya Jako, imyenda y’imvura, imyambaro yo kujyana ku kibuga, ibikapu, ibikoresho byifashishwa n’batoza birimo amakona, ama statues ashyirwa ku kibuga cy’imyitozo akoreshwa mu gutera za coup franc na koloneri.

Iyi myambaro izambarwa na Rayon Sports n’ibikoresho izakoresha byatwaye arenga miliyoni 25 FRW nkuko biri mu masezerano basinyanye.

Imyambaro yamuritswe yakozwe n’Uruganda rwa Jako. Usibye iyo mu kibuga, Rayon Sports yanahawe amakoti ‘training’ yo gusohokana n’amapantaro yayo.

Imyenda y’ingimbi yo izaba ifite ikirango cya Virunga mu gatuza, aho kuba icya SKOL nk’uko bimeze kuri bakuru babo. Hari kandi ibikoresho by’imyitozo, imipira yo gukina n’ibikapu bazajya babitwaramo.

Nk’ibisanzwe Rayon Sports izajya yambara ubururu igihe yakiriye, mu gihe yasohotse izajya yambara umweru. Imyenda y’ikipe nta mazina azaba ahari kubera igihe gito shampiyona izakinwa.

Perezida wa Rayon Sports,Uwayezu Jean Fidele yabwiye abari bitabiriye uyu muhango ko ikipe ihagaze neza ndetse yiteguye gutwara igikombe igaserukira u Rwanda.

Ati “Rayon Sports ihagaze neza, neza cyane. Ikipe iriteguye mu buryo bushoboka bwose, abakinnyi bahagaze neza. Abatoza babari hafi. Duherutse gutsinda Bugesera FC, byagaragaye ko ikipe ihagaze neza kandi yiteguye gutwara igikombe. Intego ihari n’uguha abakunzi ba Rayon Sports ibyishimo, dutsinda tukazaserukira igihugu mu marushanwa nyafurika.

Ku bijyanye n’iyi myambaro mishya yagize ati “Nkuko mubizi, intego ya Rayon Sports n’ukuba Smart. kandi nubu iratangira shampiyona iri smart. Hari ibikoresho bikomeye yahawe biri ku rwego rwayo.”

Yakomeje ashimira SKOL kuba yarakoze ibyo isabwa mu masezerano anongeraho ati“Ndasaba abakunzi ba Rayon Sports gutera inkunga SKOL kuko ubufatanye bwacu nayo ari ubwo gushimirwa.”

Rayon Sports iri mu itsinda B muri Shampiyona, izatangirira kuri Gasogi United tariki ya 2 Gicurasi, iminsi itatu mbere yo guhura na Kiyovu Sports mu gihe izasoreza kuri Rutsiro FC tariki ya 8 Gicurasi 2021.


Related Posts