Edit
Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on email
Email

Umuhanda Karongi-Rusizi wafunzwe n’inkangu ahitwa kuri ‘Dawe uri mu Ijuru’

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram

Ahakunze kwitwa Dawe uri mu Ijuru mu Murenge wa Gishyita, akagari ka Ngoma mu karere ka Karongi, inkangu yaridutse ihita ifunga umuhanda Karongi-Rusizi ku buryo ubu utari nyabagendwa.

Inkangu yafunze umuhanda mu murenge wa Gishyita

Umunyamabanga nshingwabikorwa w’Umurenge wa Gishyita, Saiba Gashanana, yatangarije Kigali Today ko mu rukerera rwo kuri uyu wa 12 Gashyantare 2021, ari bwo igitaka cyatangiye gutsuka kigafunga umuhanda.

Urebye ngo cyatsukiye kuri metero nka 30 mu muhanda, kandi bikaba byatewe n’imvura nyinshi yaguye ejo ku wa Kane tariki 11 Gashyantare 2021.

Ubu imashini zikora imihanda zahageze, zirimo kwigizayo ibitaka kugira ngo umuhanda wongere ube nyabagendwa, dore ko hari amakamyo yari atwaye ibicuruzwa yabuze aho anyura.

Gusa ngo imbogamizi zihari ni uko umusozi urimo amazi menshi kubera imvura imaze igihe igwa, ku buryo hari aho bakura ibitaka hagahita hongera kuriduka.

Uwo muyobozi anavuga ko kubera imisozi miremire iri muri ako gace hari n’ahandi imvura nyinshi yaguye yagiye itera inkangu, ibitaka bikamanukira mu muhanda, uretse ko ho ibyo bitaka atari byinshi byabuza imodoka gutambuka.

Related Posts